وحـيـــد - منتديات عهود

غير متصل

المشاركة رقم : 1

فيصل الكويت

رقم العضوية : 27046

المشاركات : 747

( مشرف قسم همس القوافي )

وحـيـــد

السلام عليكم ورحمة الله وبركاتة

مساء الخير...,

طول عمري عشت دنيايه وحيد
بين وابوي وبين امي والصدى

اكسر الخاطر وفي باسي عنيد
ما يسليني بهالدنيا حدى

اشرح احساسي على نظم القصيد
والشعر نبظي وحسي يشهدى

لاهي وساهي وما عندي جديد
وفي عيوني حزن وبليا جدى

ماتت امي نبض قلبي والوريد
جعلها بجنان ربي تخلدى

وانكسر قلبي وحزني يستزيد
كم بكيت الاه من حزنن بدى

لين مر العمر وشفتك يالعنيد
تبتسملي كلك احساس وهدى

شفت فيك الكون يا اجمل وعيد
بك نسيت الضيق وايام الردى

قلت هانت جيتني كلك فريد
ما تشابه غير نفسك مفردى

روعتك روح الزهر ضحكة وليد
كنت تجبرني وعقلي تشردى

تختلف بالوصف غيرك ما يفيد
انت بس الناس وافديلك فدى

لين جيت بويوم في قلبن بليد
ماحسبت حساب قلبي تجحدى

هانت بعينك مشاعرنا اكيد
كنت تتسلى بقلبي تجلدى

كنك اللي يجرح بكذبه يصيد
ناعم الملمس وقرصك مفسدى

عايش بدنياك مرتاح وسعيد
وانت قاتل حس جالك من ندى

روح في دربك وفالك تستعيد
ذكريات اللي خذلته لو غدى

سامحك ربي وقلبي ما يريد
غير شوفك تنبسط طول المدى

سلامتكم

فيصل

التعديل الأخير تم بواسطة فيصل الكويت ; 23/12/2009 م الساعة 08:43 PM

كُتبت [ 23/12/2009 م - 07:19 PM ]